კონფიდენციალურობის პოლიტიკა

IDmatic არის ვინაობის დისტანციური დადასტურების პლატფორმა ბიზნესისთვის. ამ პოლიტიკაში აღწერილია, როგორ ამუშავებს ოპერატორი პერსონალურ მონაცემებს საქართველოს კანონის „პერსონალურ მონაცემთა დაცვის შესახებ“ და, სადაც გამოიყენება, ევროკავშირის ზოგადი რეგულაციის (GDPR) პრინციპების შესაბამისად.

• ვინაობის დადასტურების გამვლელი პირები (კლიენტი კომპანიების მომხმარებლები): მონაცემთა დამმუშავებელია ის კომპანია, რომელმაც ვინაობის დადასტურება მოითხოვა. IDmatic ამ მონაცემებს ამუშავებს როგორც უფლებამოსილი პირი — მხოლოდ კომპანიის დავალებით.
• ბიზნეს-კლიენტები და მათი თანამშრომლები (კაბინეტის მომხმარებლები): მონაცემთა დამმუშავებელია ოპერატორი.

ვინაობის დადასტურებისას:

• დოკუმენტის ფოტოები (წინა და, საჭიროებისას, უკანა მხარე);
• დოკუმენტიდან წაკითხული მონაცემები: სახელი, გვარი, პირადი ნომერი, დაბადების თარიღი, სქესი, მოქალაქეობა, დოკუმენტის ნომერი, გაცემისა და მოქმედების ვადები;
• კომპანიის პარამეტრების მიხედვით — სახის ფოტო და ცოცხალი გადაღების მოკლე ვიდეო;
• ტექნიკური მონაცემები: IP მისამართი, ბრაუზერის ინფორმაცია, მოქმედებების დრო; შემოწმებების შედეგები და გადაწყვეტილება.

ბიზნეს-ანგარიშისთვის: კომპანიის რეკვიზიტები, საკონტაქტო პირების სახელი, ელფოსტა და ტელეფონი, კაბინეტის მომხმარებლების ანგარიშები, შესვლისა და მოქმედებების აუდიტის ჩანაწერები, ბილინგის ინფორმაცია.

ვებგვერდის ნახვების სტატისტიკა: cookie-ების, ბრაუზერის მეხსიერებისა და მესამე მხარის ანალიტიკის გარეშე, ჩვენივე სერვერზე. ვინახავთ მხოლოდ შეკვეცილ IP მისამართს (IPv4 — ბოლო ნაწილის გარეშე /24, IPv6 — /48), ქვეყანას, გახსნილ გვერდს, გადმოსვლის წყაროს დომენს და მოწყობილობის ტიპს — 30 დღე; შემდეგ რჩება მხოლოდ დღიური ჯამური რიცხვები (25 თვე). უნიკალური ვიზიტორის დასათვლელად გამოიყენება დღიური შემთხვევითი გასაღებით გამოთვლილი ჰეში, რომელიც დისკზე არ იწერება და დღის ბოლოს ქრება — მისი პირთან დაკავშირება შეუძლებელია. თუ ბრაუზერში ჩართული გაქვთ „Do Not Track“ ან „Global Privacy Control“, ნახვა მხოლოდ ჯამურ რიცხვში აისახება. საფუძველი — კანონიერი ინტერესი (ვებგვერდის მუშაობისა და უსაფრთხოების შეფასება); ჩანაწერებზე წვდომა აქვს მხოლოდ პლატფორმის ადმინისტრატორს და ყოველი ნახვა აუდიტში იწერება.

საკონტაქტო ფორმა (ვებგვერდი): სახელი, ელფოსტა, არჩევით — ტელეფონი და კომპანია, თემა და შეტყობინების ტექსტი. გამოიყენება მხოლოდ თქვენს შეკითხვაზე საპასუხოდ; იგზავნება ჩვენს საფოსტო ყუთში და ინახება დაშიფრულად 180 დღე, შემდეგ ავტომატურად იშლება. სარეკლამო დაგზავნისთვის არ გამოიყენება.

• ვინაობის დადასტურება კლიენტი კომპანიის დავალებით — კომპანიის მიერ განსაზღვრული საფუძვლით (მაგ. თანხმობა, ხელშეკრულება ან კანონისმიერი ვალდებულება); ვინაობის დადასტურების დაწყებამდე პირი ეცნობა თანხმობის ტექსტს.
• მომსახურების მიწოდება, ანგარიშსწორება და მხარდაჭერა — ხელშეკრულების შესრულება.
• უსაფრთხოება, თაღლითობის პრევენცია და აუდიტი — კანონიერი ინტერესი და კანონისმიერი ვალდებულება.
• ამოცნობის ხარისხის გაუმჯობესება — მხოლოდ მაშინ, თუ კომპანიამ ეს ფუნქცია ჩართო და პირმა ცალკე, ნებაყოფლობითი თანხმობა გასცა; ასეთი ნიმუშები ინახება კომპანიის მიერ მითითებული ვადით.
• სახის შედარების სიზუსტის შემოწმება (კალიბრაცია) — სახის ფოტო და დოკუმენტზე არსებული ფოტო (ბიომეტრიული მონაცემები) ინახება მხოლოდ ცალკე, აშკარა თანხმობით, რომელიც ნაგულისხმევად არ არის მონიშნული და ვინაობის დადასტურებაზე გავლენას არ ახდენს; ინახება დაშიფრულად, კომპანიის მიერ მითითებული ვადით, არასრულწლოვანის ფოტო არ ინახება, და იშლება ვინაობის დადასტურების წაშლის მოთხოვნისას. ფოტოების წაშლის შემდეგ რჩება მხოლოდ ანონიმური სტატისტიკა — მსგავსების ქულების ჰისტოგრამა (რიცხვები, სურათის, სახის შაბლონის ან პირის იდენტიფიკატორის გარეშე), რომლითაც სისტემის ზღვარი კალიბრდება.

• დოკუმენტის და სახის სურათები, ასევე ამოკითხული პერსონალური მონაცემები ავტომატურად იშლება ვინაობის დადასტურების დასრულებიდან კომპანიის მიერ განსაზღვრულ ვადაში (ნაგულისხმევად — 30 დღე).
• გადაწყვეტილება და აუდიტის ჩანაწერი (სურათების გარეშე) ინახება ანგარიშვალდებულებისთვის.
• დაუსრულებელი ვინაობის დადასტურების ბმული ვადის გასვლისას აღარ მუშაობს.
• კომპანიას შეუძლია ვინაობის დადასტურების მონაცემების ნებისმიერ დროს წაშლა API-ით ან კაბინეტიდან.

მონაცემები გადაცემისას დაცულია TLS-ით, შენახვისას — AES-256-GCM დაშიფვრით, თითო კომპანიისთვის ცალკე გასაღებით. კაბინეტში შესვლა ორფაქტორიანია, წვდომა როლებით იზღუდება და ყოველი ნახვა აუდიტის ჟურნალში იწერება. დეტალურად — გვერდზე „უსაფრთხოება და ნდობა“.

• ვინაობის დადასტურების შედეგი გადაეცემა მხოლოდ იმ კომპანიას, რომელმაც ვინაობის დადასტურება მოითხოვა.
• დოკუმენტის ამოცნობა და სახის შედარება სრულდება IDmatic-ის საკუთარ სერვერებზე — მესამე მხარის ამოცნობის სერვისები არ გამოიყენება.
• თუ კომპანიას ჩართული აქვს ცოცხალი გამოსახულების შემოწმების დამატებითი მოდული (Amazon Rekognition Face Liveness), სახის მოკლე ვიდეოს ამუშავებს Amazon Web Services — როგორც ქვე-უფლებამოსილი პირი, ხელშეკრულების საფუძველზე; ამის შესახებ პირს ეცნობება თანხმობის ტექსტში. ვიდეო IDmatic-ში არ ინახება.
• ბმულის SMS-ით ან ელფოსტით გაგზავნისას შესაბამის პროვაიდერს გადაეცემა მხოლოდ ტელეფონის ნომერი ან ელფოსტა და შეტყობინების ტექსტი.
• მონაცემები არ იყიდება და არ გამოიყენება რეკლამისთვის. სახელმწიფო ორგანოს მონაცემები გადაეცემა მხოლოდ კანონით დადგენილ შემთხვევაში.
• On-premise განთავსებისას მონაცემები კომპანიის ინფრასტრუქტურას საერთოდ არ ტოვებს.

გაქვთ უფლება, მოითხოვოთ თქვენს შესახებ მონაცემების გაცნობა, გასწორება, წაშლა, დამუშავების შეზღუდვა, დამუშავებაზე უარი და, სადაც გამოიყენება, მონაცემების გადატანა, ასევე თანხმობის გამოხმობა.

თუ ვინაობის დადასტურება გაიარეთ რომელიმე კომპანიის მოთხოვნით, მიმართეთ პირველ რიგში ამ კომპანიას — ის არის თქვენი მონაცემების დამმუშავებელი; ოპერატორი მას მოთხოვნის შესრულებაში დაეხმარება. სხვა შემთხვევაში მოგვწერეთ: ოპერატორის საკონტაქტო ელფოსტაზე (იხ. ზემოთ).

თუ მიიჩნევთ, რომ თქვენი უფლებები დაირღვა, შეგიძლიათ მიმართოთ საქართველოს პერსონალურ მონაცემთა დაცვის სამსახურს.

მომსახურება განკუთვნილია ბიზნესისთვის. ვინაობის დადასტურების გამვლელის ასაკის მოთხოვნებს (მაგ. მინიმალურ ასაკს) კომპანია თავად ადგენს თავისი საქმიანობის მიხედვით და სისტემა ამას დოკუმენტის დაბადების თარიღით ამოწმებს.

პოლიტიკის განახლებისას ამ გვერდზე იცვლება „ბოლო განახლების“ თარიღი; არსებითი ცვლილებების შესახებ ბიზნეს-კლიენტებს წინასწარ ეცნობებათ.